-
Dobbelt så høg badetemperatur på Austlandet
13. mai 2025
Badetemperaturar for alle fylka i landet, levert av Yr, viser at det er store forskjellar i landet.
Dagens høgste måling så langt er 15,3 ved Bleikøya i Oslo.
Den høgste temperaturen i Nordland vart registrert i Flakstad kommune, med sju grader i badevatnet. Temperaturane elles i fylket ligg mellom sju og ni grader. Varmast er det i Alstahaug.
-
Sterkt bekymra over kommuneplanar
13. mai 2025
Eldrerådet i Steigen er sterkt bekymra over kommunen sine planar om å redusere dagtilbodet for eldre, skriv Avisa Nordland.
I ei utsegn åtvarar rådet mot kortsiktige økonomiske vurderingar og etterlyser ei heilskapleg tilnærming til eldreomsorgen.
Årsaka er at Steigen kommune truleg snart vil vedta endringar i dagtilbodet.
– Steigen kommune står framfor ei framtid med fleire eldre, fleire demente og mindre yngre innbyggarar til å gi eit forsvarleg helsetilbod til eldre. Steigen eldreråd oppfordrar kommunen sine politikarar til å tenke lenger enn dei få månadane som er igjen av 2025, skriv dei i utsegna.
-
Mo i Rana styrker sjøtransporten
13. mai 2025
No startar neste fase i utbygginga av ny djuptvannskai i Mo i Rana. Etter ein intensiv vår med grunnarbeid og utfylling av deponiområdet, startar fundamenteringsarbeidet 15. mai.
Det opplser Kystverket i ei pressemelding.
– Vest Betong, med sine underentreprenørar Keller, Tore Løkke og Gerd Stensen, har gjort ein god jobb gjennom våren. Vi er no i rute til å gå i gang med neste etappe, å fundamentere den nye kaia, seier Berit Kalstad, prosjektleiar i Rana kommune.
Prosjektet «innseiling og dypvannskai Mo i Rana» er eit samarbeid mellom Kystverket og Rana kommune. Målet er å etablere ei tryggare og meir effektiv farlei, og ein moderne kai som legg til rette for auka sjøtransport.
-
Fleire oppdrettarar ramma av algar
13. mai 2025
No er fleire oppdretterar ramma av algeoppblomstring, skriv Fiskeribladet.
Algeoppblomstring har dei siste vekene ført til problem med laksedød for Nordlaks, Ellingsen Seafood og Mortenlaks.
I helga meldte også Northern Lights Salmon og Sørrollnesfisk at deira lokalitet Trollvika er påverka av algane.
Det var i Øksfjorden at Nordlaks først oppdaga auka dødelegheit i sine merder for to veker sidan.
Måndag seier fleire selskap i nærleiken av Trollvika at dei er ramma av algar.
– Vassprøver og alt viser at algene er i Astafjorden, så handlar seg om i kor stor grad, seier Tore Lundberg, dagleg leiar i Gratanglaks, til Intrafish.
Ifølge administrerande direktør i Kime Akva, Ørjan Jensen, mistar dei nokre hundre dødfisk om dagen i dei mest ramma merdene. Han meiner det ikkje er dramatisk.
-
Brann i køyretøy i Rana
13. mai 2025
Klokka 06:59 meldte politiet i Nordland om brann i eit køyretøy på E6 Selfors i Rana.
Alle personane var ute av køyretøyet.
Det skal ha brunne godt i bilen, men naudetatar har no fått kontroll på brannen.
-
Møteulykke mellom to personbilar
13. mai 2025
Klokka 06:50 meldte politiet i Nordland om ei møteulykke mellom to personbilar, kor fire personar var involvert.
Hendinga skjedde på E6 nord for Kvænflogtunnelen.
Alle var ute av køyretøya og det er ikkje meldt om alvorlege personskadar, ifølge politiet. Alle involverte blir tatt med til Fauske legevakt for sjekk.
Vegen er open.
-
Statsadvokaten ankar helikopter-frifinninga
13. mai 2025
Statsadvokaten har avgjort å anke dommen frå Midtre Hålogaland tingrett, der Morten Larsen blei frifunnen for blant anna uaktsam flyging.
Det stadfester politiet si kommunikasjonsavdeling til avisa Fremover.
– Veit ikkje heilt kva eg skal seie. Er vel slutta å bli sjokkert, skriv Larsen i ein kort kommentar til avisa Fremover.
Saka handlar om at pilot Morten Larsen landa på taket sitt i eit nabolag i Narvik for nesten eit år sidan. Retten bestemte altså at Larsen ikkje har gjort noko gale. Eit sentralt punkt i tiltalen handlar om kor vidt Larsen har flydd over tettbygd strøk.
Det er ikkje Statsadvokaten einig i, og har no anka dommen. Det vil dei truleg gjere på fleire punkt, som uaktsam flyging og ulovleg anlegg og bruk av landingsplass.
-
Sjukehuset i Mosjøen: Så mange årsverk forsvinn
13. mai 2025
Helgelandssjukehuset har talfesta kor mange årsverk som blir berørt av den vedtatte nedbygginga av Mosjøen sjukehus, skriv avisa Helgelendingen.
I dokument som avisa har fått innsyn i, opplyser sjukehusdirektør Lena Nielsen om følgande endringar i årsverk:
• Mosjøen: Minus 58 årsverk
• Sandnessjøen: Pluss 5 årsverk
• Mo i Rana: Pluss 21,5 årsverk
Det er usikkert om talet 58 er nettotal, altså om det inkluderer dei nye stillingane som er tiltenkt oppbemanninga av ambulansetenesta i Mosjøen. Avisa ventar også på svar om kor vidt stillingane til overs i Mosjøen skal bli brukt til å styrke avdelingane i Sandnessjøen og på Mo.
-
Cupsjokk: Aalesund sendte Glimt ut av cupen
12. mai 2025
Aalesund rystet Bodø/Glimt og tok en fortjent 1-0-seier på hjemmebane i fotball-NMs 3. runde.
Dermed noterte en enorm cupbombe i Ålesund fire dager etter at Glimt ble sendt ut av Europaligaen av Premier League-giganten Tottenham.
Kjetil Knutsen sparte flere av sine beste spillere mandag, men var neppe forberedt på hvor hardt Glimt skulle bli kjørt av de oransjekledde vertene. Knutsen var synlig frustrert i en første omgang der bortelaget fikk til svært lite.
-
Person gjør skadeverk på bolig
12. mai 2025
Politiet rykket ut til en melding om en person som gjør skadeverk på en bolig i Bodø sentrum.
Oppdatering: Politiet har vært i kontakt med flere personer på stedet.
To personer er bortvist. Og det er ingen skade på boligen.
